Նա նաև նշում է, որ եթե անգամ չէինք ցանկանա իրականում ապրել մեր պատկերացրած «կեղտոտ» երազները, այնուամենայնիվ, դրանց վերծանումը չափազանց կարևոր է` ինքներս մեզ հասկանալու համար:

Եվ այսպես, կանանց համար ամենաընդհանուր ֆանտազիաները և դրանց մեկնաբանությունները ըստ Պատրիսիա Թեյլորի.

● Քո երևակայությունը
Դու մերկապար ես պարում ակումբի բեմին:

Ի՞նչ է դա նշանակում
Այդքան տղամարդկանց ուշադրությունը վայելելը, ինչը ենթադրվում է ակումբային մերկապարի դեպքում, վեր է էգոյի փառաբանման սահմաններից, և դու կցանկանայիր այնքան ինքնավստահ լինել կառուցվածքիդ հարցում, որ հրապարակավ մերկանայիր մինչև ոտքերիդ ծայրը:

Ի՞նչ անել
Որքան լավ ես քեզ զգում, չէ՞, երբ պճնվում ես որևէ խնջույքի համար: Սեքսի համար պճնվելը նույն զգացողությունը կարող է արթնացնել: Հեռացրու անցանկալի մազերը, մերսիր մարմինդ փայլող լոսյոնով, սեքսուալ օծանելիքով քեզ երես տուր: Սա ինքդ քեզ ցուցադրելու տրամադրություն կառաջացնի:

● Քո երևակայությունը
Դու որևէ անծանոթ տղամարդու հոգածության տակ ես:

Ի՞նչ է դա նշանակում
«Պատկերացնել, որ տղամարդը գերակայություն ունի մեր նկատմամբ, կանանց համար առաջնային ֆանտազիա է»,- ասում է մեր փորձագետը: Դա է պատճառը, որ հաճախ մեզ թվում է, թե նման խիստ վերահսկողության տակ պիտի լինեն մեր կյանքի բոլոր ասպեկտները, ոչ միայն անկողնայինը, հետևաբար, վերահսկողությունը տղամարդու ձեռքը տալու գաղափարը մեզ համար սփոփանքի նման մի բան է:

Ի՞նչ անել
Վերահսկողությունից կատարելապես ազատ լինելու զգացողությունը կարող է իրականում վախեցնել: Ուրեմն, չես վախենում, չես ազատվում վերահսկողությունից ու թույլ ե տալիս նրան առաջնորդել քեզ անկողնում: Ու երբ նա վերևից է, պառկած է քեզ վրա, բարձրացնում ես ու խաչում ձեռքերդ վերևում` ասես, քեզ կապել են:

● Քո երևակայությունը
Հետևում ես` ինչպես են երկու կանայք սեքսով զբաղվում

Ի՞նչ է դա նշանակում
Դու գիտես, ինչ ասել է լինել կին ու գաղափար անգամ չկազմել, թե ինչ են զգում տղամարդիկ սեքսի ժամանակ: Երբ կադրում միայն կանայք են, համբույրը, հպումն ու մնացյալը կարող են պատկերացում տալ քեզ այդ մասին, ինչի պակասը, կարծես, զգում ես: Բացի դա, "աղջիկն աղջկա հետ" տեսարանը սովորաբար ավելի զգացմունքային հարաբերություններ ունենալու պահանջ է նշանակում:

Ի՞նչ անել
Որպեսզի զուգընկերոջիցդ ավելի զգացմունքային շոյանքներ ստանաս, պետք է պայմաններ ապահովես դրա համար. դանդաղ մեղեդի, մոմեր, գայթակղիչ ներքնազգեստ: Հավատա, այդ դեպքում նա կիրագործի քո ուզած քնքշանքները` բուն գործին անցնելով շատ դանդաղ:

● Քո երևակայությունը
Զուգընկերդ քո սեքս-ստրուկն է:

Ի՞նչ է դա նշանակում
Եթե նա պետք է հետևի քո բոլոր սեքսուալ հրահանգներին, ուրեմն դու ապահովված ես ստանալու այն ամենն, ինչ ուզում ես: Այս երևակայությունը հուշում է, որ անհարմար ես զգում իրական կյանքում ագրեսիվ լինելուց և/կամ չես ցանկանում ասել նրան, որ նրա որոշ արարքներ քեզ դուր չեն գալիս:

Ի՞նչ անել
Ցանկություններդ նրան հասկացնելու հեշտ ու մեղմ տարբերակներ կան: Բացիր www.cosmo.am -ի կամ տպագիր տարբերակի սեքսին վերաբերող նյութերն ու վերընթերցիր դրանք: Ավելին, դրանք բացած թող էկրանիդ կամ սուրճի սեղանին ու թող նա պատահմամբ տեսնի դրանք: